Stitilrettelegging på Eldsfjellet
Eldsfjellet er eit av dei mest populære turmåla i Alver, og kvart år tek hundrevis av menneske turen opp for utsikt, naturoppleving og frisk luft. Samstundes er særleg den nedste delen av stien krevjande i vått vær, der røter og underlag blir glatte og aukar risikoen for fall.
For å gjere turen tryggare og meir tilgjengeleg for fleire, samarbeider Nordre Holsnøy IL og Alver kommune om eit større prosjekt for stitilrettelegging. Målet er å realisere tiltaket i løpet av 2026, avhengig av finansiering og nødvendige godkjenningar.
Kva skal gjerast
Tiltaka er planlagt med stor omsyn til naturen og friluftsopplevinga:
Enkle og naudsynte tilretteleggingar i nedste del av stien, hovudsakleg tretrapper og forsterking av underlaget.
Materialval som gir tryggleik, god gangkjensle og lang levetid med lite vedlikehald.
Mindre tiltak lenger oppe i stien, som korte trappeparti (3–5 trinn), handtak, kjetting eller liknande på utsette punkt.
Dugnad frå NHIL og frivillige, med oppgåver som krattfjerning, bæring av materiale og enkle tiltak ved stistart og i øvre parti.
Prosjektet skal sikre at Eldsfjellet framleis er eit naturleg og ekte friluftsområde – berre tryggare og meir tilgjengeleg for alle.
Finansiering og støtte
Prosjektet har allereie fått kr 500 000 i tilskot, og kan få ytterlegare kr 500 000 i spelemidlar. For å realisere heile tiltaket treng vi likevel fleire bidragsytarar.
Slik kan du støtte prosjektet
Privatpersonar og bedrifter kan bidra økonomisk og samtidig få synleggjort engasjementet sitt:
Trappetrinn – privatpersonar: kr 1 000 for namn på eitt trinn
Trappetrinn – bedrifter: kr 5 000 for firmanamn på eitt trinn
Logo på informasjonsskilt: kr 10 000 (to skilt vert sett opp langs stien)
Alle bidrag går direkte til tilrettelegginga og kjem heile lokalsamfunnet til gode.
Vidare framdrift
Anbudsprosessen er gjennomført, leverandør er valt, og NHIL vil bidra med dugnadshjelp når arbeidet startar. Planlagt oppstart er sommar 2026, med løpande informasjon etter kvart som prosjektet utviklar seg.
